জন্মৰ পৰাই চিনাকি তুমি
মোৰ হৃদয়ত ফুলি থকা
এপাহি ফুল৷
তোমাৰ সুগোন্ধত
বিয়পি পৰিছিল গাত
প্রেমৰ কেঁচা কেঁচা সুভাস
কিন্তু,নিৰুপায় মই
তোমাকতো চুব পৰা নাই
চাৰিও ফালে কাইটে
আগুৰি আছে তোমাক৷
তাৰ মাজতে
তোমাৰ মধুৰ সৌৰভে
মৌ-মাখি মাতাল হৈ ফুৰিছে
চাৰিওপিনে৷
হয়তো তুমি মোৰ বাবে নকৰিবা
বেছিদিন অপেক্ষা৷
আন কাৰোবাৰ সতে
প্রেমত পৰিবা৷
সেই দিনাই হ'ব তোমাৰ বাবে
পোহৰৰ বাট
মোৰ বাবে আহিব
আন্ধাৰৰ ঠিকনা৷
No comments:
Post a Comment